Ертең «Батыр Арена» спорт кешенінің қабырғалары жанкүйерлердің қызу қолдауынан тағы да жаңғырады! Біз «Alzhan» республикалық мектеп баскетбол лигасының іріктеу ойындарының екінші кезеңін бастаймыз.
Аталған ауқымды спорт мерекесінің бас демеушісі – «Қостанай минералдары» АҚ. Кәсіпорынның қолдауының арқасында өскелең ұрпақтың дені сау болып қалыптасуына зор мүмкіндік жасалып отыр.
«Alzhan» лигасы – Қазақстандағы ең ірі әлеуметтік-спорттық жобалардың бірі. Ол еліміздің түкпір-түкпірінен мыңдаған оқушыны біріктіріп, оларға:
– өздерінің спорттық шеберліктерін көрсетуге;
– командалық рухты нығайтып, жаңа достар табуға;
– үлкен жеңістерге бастар жолда бағалы жарыс тәжірибесін жинақтауға мүмкіндік береді.
Жарыс тартысты, әсерлі әрі жоғары деңгейде өтеді деп күтілуде. Баршаңызды жас спортшыларға қолдау білдіріп, жарыс атмосферасын сезінуге шақырамыз.
Өтетін орны: «Батыр Арена» СК
Уақыты: 31 наурыз, сағат 9:00
Қай мектепке жанкүйер екендеріңізді пікірде жазыңыздар!
