«Жітіқара ауданы әкімдігінің мәдениет және тілдерді дамыту бөлімі»ММ «Тілдерді оқыту орталығы» КММ-нің  ұйымдастыруымен  Республика күні  және А.Байтұрсынұлының  150 жылдық мерейтойы қарсаңында ұлттық мәдени бірлестіктердің  қатысуымен «Бірлігіміз жарасқан» атты дөңгелек үстел өтті.Дөңгелек үстелдің қадірлі қонақтары Жітіқара ауданы мәдениет және тілдерді дамыту бөлімінің басшысы Ж.А.Әлмұхамедова және Жітіқара ауданы қоғамдық кеңес мүшесі Р.Ғ.Ешаева.

Аталмыш шараға  № 9  Е.Есжанов атындағы жалпы білім беретін мектептің «Рамадан» қазақ  ұлттық  мәдени бірлестігі, № 10 жалпы білім беретін мектептің «Бұлақ» татар — башқұрт ұлттық  мәдени бірлестігі,№ 1 негізгі мектептің «Берик — цоки» кәріс ұлттық  мәдени бірлестігі, №2 Мұса Шожанов  атындағы жалпы білім беретін мектептің «Dostlar» өзбек ұлттық  мәдени бірлестігі қатысып, әр ұлттың салт- дәстүрімен мәдениетін және шығармашылығымен таныстырды. Дөңгелек үстелді қорытындылай келе  іс- шара қатысушыларына  Жітіқара ауданы әкімінің орынбасары З.С.Орманованың атынан алғыс хаттар және тілдерді оқыту орталығының қорынан сыйақылар табысталды.
   
  «Тілдерді оқыту орталығы» директоры Т.Медетбаева