Карина ӘЛЖАН
Биыл Жітіқара ауданы үшін мерейтойлық жыл.   Көптеген қызықты  іс шаралар ауданның 95 жылдығына орайластырылуда. Осыған байланысты әлеуметтік маңызы бар нысандар ашылуда. Жақында «Жігер» стадионы жітіқаралықтар  үшін есігін айқара ашпақ.
Тұрғындар осы «Пионер» стадионының бір кездері  елдің саламатты игілігі үшін тамаша орын болғанын айтып отырады.  Мұнда аудандық балалар мен жасөспірімдер спорт мектебінің тәрбиеленушілері және спортты жақсы көретін белсенді саламатты өмір салтын ұстанушылардың барлығы айналысты.Бұл қаладағы ең көне стадиондардың бірі.  Бүгінде инфрақұрылымы тозған.        
 «Комаровское Тау-кен өндіру кәсіпорны» ЖШС-нің қолдау қаражаты есебінен осы  стадионға жаһандық реконструкция жүргізіп,  жаңа – Жігер  атауын беру туралы шешім қабылданды. Айта кету керек, бұл спорт нысанын қалпына келтіру жобасын «СпецПСЫ» ЖШС жүргізсе, жалпы құны 158 миллион теңгені құрайтын жобаны тікелей жүзеге асырған «ЮниСтрой» ЖШС мердігер ұйымы. Мұнда  жасанды жабындысы бар толыққанды футбол алаңы, ұзындыққа секіру және ядро лақтыру алаңдары, 4 жолақты жүгіру жолы, 100 метрге жүгіру жарыстарына арналған алаң толық қамтылған. Жобада қосалқы құрамдағы ойыншыларға арналған трибуналық орындықтарды орнату, футбол алаңына су ағызу жүйелері мен стадионның электр жарығын тарту да қарастырылған. Шағын архитектуралық пішіндер орнатылады.  Электронды табло, флагштоктар мен Олимпиада алауына арналған тостаған орнату жоспарланды. Аумақты абаттандыру бойынша да ауқымды жұмыстар атқарылуда. Жүргіншілер жолы төселеді, кіреберіс арка бой көтеріп, көліктерге арналған тұрақтар жабдықталады.
Жалпы жобаға келсек, жұмыстың басым бөлігі аяқталуға жақын. Алғашында жоба қыркүйек айына жоспарланғанымен, стадионды тамыз айының соңына дейін пайдалануға беру  белгіленіп отыр. 
Аудандық балалар мен жасөспірімдер спорт мектебінің директоры Әлібек Мұқанов айтқандай, спорт мектебінің ғимараты да  жөндеуден өтуде, қазір мұнда да құрылыс жұмыстары қызу жүріп жатыр. Ғимараттың сыртқы жөндеу жұмыстарымен қатар жылу және кәріз жүйелерін ауыстырылуда. Алдағы уақытта онда соңғы үлгідегі пластикалық терезелер орнатылатын болады.
 «95 игі іс» акциясы аясында жүзеге асырылып жатқан бұл жобалардың барлығы спортпен шұғылдануға мықты әрі жайлы база жасайды деп айта аламыз. Ауданда сұранысқа ие барлық спорт түрлері осында қамтылмақ. 
 
Жасөспірімдер спорт мектебінің базасында 824 оқушыны қамтитын 9 секция жұмыс істейді. 
«Жігер» стадионы барлық спортшылар мен саламатты өмір салтын ұстанушылар үшін  спорттық жарыстардың жаңа ошағына айналғалы отыр.