Жітіқарада «Wunderkind» ЖШС жаңа бөбекжай-балабақша топтарына қабылдау басталды. Бұл туралы бүгін аудандық білім бөлімінің басшысы М.Бимағамбетова О.Ержанованың төрағалығымен өткен әлеуметтік мәселелер жөніндегі тұрақты комиссияның отырысында мәлімдеді.
95 орындық мектепке дейінгі мекеме 1 қыркүйекте ресми түрде ашылады. Екі топ 50 орындық мемлекеттік тілде білім алатыны белгілі. Балабақшада барлығы төрт топ болады.
Қазіргі уақытта екі жастан бастап алты жасқа дейінгі балаларды мектепке дейінгі тәрбиемен және оқытумен қамту 93,4 % құрайды, ал үш жастан бастап алты жасқа дейінгі балалар 100 % құрайды.
Кезектілік сақталады: 0 — ден 6 жасқа дейін 549 бала, оның ішінде 2 — ден 6 жасқа дейін-203 бала.