Қала спортшылары асыға күткен маңызды оқиғаның бірі БЖСМ аумағындағы «Жігер» стадионының салтанатты ашылуы болды.
Лента қию құрметті құқығы «Варваринское» АҚ және «Комаровское тау-кен кәсіпорны» ЖШС әкімшілік директоры Фарида Сәкенқызы Қалиеваға, сондай-ақ Жітіқара ауданының құрметті азаматы, жеңіл атлетикадан бас жаттықтырушы Николай Владимирович Климовке берілді. Осыдан кейін стадион жас спортшылар мен болашақ чемпиондарға ресми түрде есігін айқара ашты.
Мерекелік бағдарлама Қостанай облысы әкімінің орынбасары А.Т.Әбеновтің кіріспе сөзімен басталды. Сондай-ақ, Жітіқара ауданының әкімі Н.Қ.Өтегенов құттықтау сөз сөйледі.
Құттықтаулардан кейін «Ұлттық рухани жаңғыру» ұлттық жобасы аясында марапаттау рәсімі өтті:
«Жомарт жүрек» сыйлығының иегері – «Жыл меценаты» номинациясы бойынша – белсенді меценаттық қызметі үшін – В.Н. Несис — Polymetal International бас атқарушы директоры болды.
Әлеуметтік маңызы бар жобаларды жүзеге асырғаны, қайырымдылық жасағаны және кіші отанды қолдағаны үшін «Туған өлке» номинациясы бойынша «Uni Строй» ЖШС директоры Ауезхан Арстанғалиұлы Урдабаев марапатталды. Салтанатты сәттерде «Жітіқара аудандық балалар-жасөспірімдер спорт мектебі» КММ директоры А.Ж. Мұқановқа музыкалық аппаратураға сертификат табысталды.
Содан кейін салтанатты ашылу әртістер мен шығармашылық ұжымдардың өнер көрсетуімен жалғасты.
Юрий Яковлев ән салып жатқанда жас каратэшілер, палуандар, футболшылар өздерінің шеберліктері мен қабілеттерін көрсетті. Б.Майлин ауданының атынан қатысқан Diamonds ұжымы хип-хоп стиліндегі драйв биімен қуантты.
Хризотил КМ газетінің редакциясы жаңартылған стадионға жарқын ойындар мен оқиғалар және ауданның жас спортшыларына жаңа жеңістер тілейді!