Карина ӘЛЖАН
 
Табанды, әрі батыл әйелдің үйреншікті жұмыс күндері құрметті демалысқа шығу уақытына да жетіп қалды. Кен байыту кешенінде құрметке ие, бәрі жақсы көреді, қаймығыпта қалады. Ең алдымен тәртіпті талап етеді және немқұрайлы жұмыс жасап көрмеген. Суретте — Қадірбике Зұлхарнайқызы Қаламбаева.
 
 
Журналистке сұқбат беруге әрең көндірген кейіпкеріміздің кен байыту кешені қызметкері ретінде еңбек еткеніне – 33 жыл.
Еңбек жолын 1990 жылы ауысым шебері, бүгінде білікті маман ретінде есте қалған Алексей Григорьевич Мясоедовтың қарамағында құрал-жабдық машинисі болып бастаған. Одан кейін Қадірбике Қаламбаева 10 жыл бойы желілік шаруашылықтың желілік слесарі болып еңбек
етті. 2001 жылы пресс-орау бөліміне бөлме операторы, ал 2012 жылы орау ауысымының шебері болып ауысты.
— Біздің ұжым өте жақсы. Біз көп жағдайды бірге бастан өткердік. Шынымды айтсам, менің жолым болды: мен жақсы және білімді адамдармен жұмыс істедім, басшылық әрқашан көмектесті, — дейді
Қадірбике Зұлхарнайқызы.
– Менің бүкіл өмірім осы зауытта өтті. Достар, әріптестер – мұнда бәрі күнделікті жұмыспен тығыз байланысты. Зейнеткерлікке шығуға алты ай қалды. Бірақ менжұмысты і сағынатынымды қазірдің өзінде білемін. Мен жұмыс істеп үйренгенмін. Ал жұмыс мені қашанда тәртіпке шақырды, – дейді шебер.
Айта кетерлігі, бүгінде жауапты бөлімдердің бірінің қызметіне Қадірбике Қаламбаева жауапты. Өйткені, пресс-орау учаскесінің қызметкерлерінен өнімді іс талап етіледі. Кәсіпқой шебердің қарамағында 30 адам.
Әйелдің көз алдында учаске жаңғыртылған. Ол жабдықтармен қамтылған шағын, жаңа пресс-орау машинасының қашан және қайда орнатылғанын жақсы біледі.
-Иә, кешегі мен бүгінгі жағдайды салыстыруға келмейді. Автоматтандырудың арқасында енді ілінісуді тез есептеп, бос уақытты
байқаймын, -дейді шебер.
Қадірбике Зұлхарнайқызы екі қыз өсіріп, жоғары білім берді. Кіші қызы Жазира медициналық институтты бітіріп, Қарағандыда қалып, мамандығы бойынша жұмыс істеуде, ал үлкен қызы Нәзира күйеуімен бірге «Қостанай минералдары» АҚ жүйесінде еңбек етеді.
– Біздің кәсіпорын – қаланың асыраушысы. Мен оның дамып, көркейгенін қалаймын! Ал, барша ұжымға табысты еңбек тілеймін! – деп Қадірбике Зұлхарнайқызы әңгімемізді тілекпен аяқтады. Еңбегімен елге сыйлы жанның кәсіпқойлығын «ҚМ» АҚ басшылығы талай рет атап өткен.