«ҚМ» АҚ қызметкерлері — техникалық директор А.Р. Смагулов, ЕҚжӨҚҚ кәсіптік патолог дәрігері Н.Ж.Баирова және ЕҚжӨҚҚ басшысы И.М. Семиндеров – Қарағандыда Еңбек медицинасы мен медициналық экологияны дамыту перспективалары бойынша халықаралық ғылыми-практикалық конференцияға қатысты. Іс-шара елдегі және әлемдегі Еңбек медицинасы туралы заманауи көзқарастарды талдауға, жұмыс істейтін халықтың денсаулығын сақтау мәселелерін шешуге арналды.
Конференцияны «Қарағанды медициналық университеті» коммерциялық емес АҚ, Қоғамдық денсаулық сақтау және кәсіптік денсаулық институты, «Кәсіптік патологтар дәрігерлерінің қауымдастығы» Республикалық ҚБ ұйымдастырды. Сөз сөйлеушілердің арасында Қазақстан мен Ресейдің медициналық зерттеу институттарының өкілдері болды.
Конференция секцияларының бірі хризотил-асбестті бақыланатын қолдану тақырыбына және асбестке байланысты ауруларды зерттеу мәселелеріне арналды. Шақырылған мамандар өндірісте және тұрғын үйлерде, қоғамдық ғимараттарда өнеркәсіптік талшықтармен ауаның ластануының ықтимал көздерін, «Қостанай минералдары» АҚ қызметкерлерінің риницитограммасының көрсеткіштерін, «Қостанай минералдары» АҚ тағылымдамашылары мен қызметкерлерінің жасушалық иммунитетінің функционалдық жай-күйін анықтаудың маңызды мәселелерін қозғады. Секция спикерлері «Академик Н.Ф.Измеров атындағы еңбек медицинасы ғылыми-зерттеу институты» ФМБҒМ, Ресей Денсаулық сақтау министрлігі И.М. Сеченов атындағы бірінші МММУ-дегі ФМАЖББМ, «Қарағанды медицина университеті» КЕАҚ, Қожа Ахмет Яссауи атындағы халықаралық қазақ-түрік университетінің сарапшылары болды.
Қалған секциялар еңбекті қорғау тақырыптарына, кәсіптік аурулардың алдын алу және диагностикалау әдістеріне және т.б. қатысты еді.
Екі күн ішінде конференция кәсіпорын қызметкерлерінің еңбегі мен денсаулығын қорғау тақырыптарының кең ауқымын қамтып, қатысушыларға медициналық экология саласынан пайдалы тәжірибе алмасуға мүмкіндік берді.