Карина ӘЛЖАН
 
«AMANAT» партиясының Жітіқара аудандық филиалында Жітіқара ауданының әкімі Нұржан Өтегеновтің төрағалығымен қаңғыбас жануарларды қорғау туралы заңнаманы сақтау мәселесі бойынша дөңгелек үстел өтті.
 
Дөңгелек үстел жұмысына «AMANAT» партиясы Жітіқара аудандық филиалының төрағасы Нұрлан Оразалинов, аудандық партия филиалының атқарушы хатшысы Арман Исмукашев, мемлекеттік және құқық қорғау органдарының басшылары, қоғамдық ұйымдардың өкілдері, жеке кәсіпкерлер мен  БАҚ өкілдері қатысты. 
Іс-шараның қорытындысы бойынша дөңгелек үстелге қатысушылар қаңғыбас жануарларға көмек беру мақсатында  банка орнатып, сауда орындарында көмек жинауды ұйымдастыруды ұсынды. Бұл қаражат жануарларды зарарсыздандыруға, кастрациялауға, сондай-ақ арнайы панасында  шамадан тыс ұстауға байланысты басқа мақсаттарға бағытталатын болады. 
Жеке кәсіпкер Руслан Мамедов өз атынан қаланың сауда нүктелерінде орнатылатын қайырымдылық банкілерді  ұсынуға көмектесуге ерікті  қолдау көрсеткелі отыр. Банкілерді орнату мүмкіндігі болмаған жерде, банк шоттары мен QR кодтары көрсетілген ақпараттық парақшалар орналастырылады, осылайша қамқор азаматтар кез келген қайырымдылық соманы аудара алады.  
Дөңгелек үстел қорытындысы бойынша аудан әкімі Жастар ресурстық орталығына еріктілермен бірлесіп дайындалған парақшаларды басып шығаруды және оларды қаланың сауда нүктелеріне, сондай-ақ халық арасында таратуды тапсырды. 
Ветеринариялық станцияға аптаның соңына дейін шығындар, сондай-ақ иттер мен мысықтарды чиптеу шарттары бойынша есеп жүргізу және бұқаралық ақпарат құралдары арқылы халықты хабардар ету тапсырылды. Қала әкімдігіне ит иелері арасында жануарларды серуендету және ұстау ережелерін сақтау мәселесі бойынша түсіндіру жұмыстарын жүргізу тапсырылды.