Өндіріс кәсіпорыны үшін жер қойнауын пайдаланушылардың мүддесі өзекті
2023-11-23, 11:21
«Қостанай минералдары» АҚ әрқашан белсенді позициясымен ерекшеленді. Бұл тек әлеуметтік жауапкершілік, инвестициялар ғана емес, сонымен қатар халықаралық және қазақстандық форумдарға, көрмелерге қатысу арқылы байқалуда.
Бұл жолы «КМ» АҚ отандық өндірісті дамытуға бағытталған "қазақстандық мазмұн 2.0" бірінші халықаралық форумына қатысты. Аталған іс-шара Астанада өтті. Онда тау-кен саласында елішілік құндылықты дамыту, жер қойнауын пайдаланушылардың сатып алуларындағы қазақстандық қамту үлесін ұлғайту және отандық тауарлардың сапасын арттыруды ынталандыру мәселелері қаралды.
Айта кету керек, форумның негізгі идеясы – жер қойнауын пайдаланушылардың кәсіпорындарынан елішілік құндылықты дамытуға баса назар аударуға және күшейтуге дайын болу, сондай-ақ отандық тауар өндірушілерді қолдау бойынша жаңа бастамаларды іске асыруға деген ұмтылыс бөлігінде жауап алу.
Мамандардың пікірінше, жер қойнауын пайдаланушыларды сатып алуда ішкі құндылықтың 10% — ға өсуіне қол жеткізу өндіріс көлемін арттыруда елеулі әсер ететінін, сондай-ақ жаңа жұмыс орындарын құруды ынталандырады.
Қарастырылған мәселелердің жоғары саяси басымдығын ескере отырып, форумның пленарлық бөлігіне Республикамыздың Премьер-министрі Әлихан Смайылов қатысты. Бірқатар панельдік тақырыптық сессиялар өткізілді, онда ірі жер қойнауын пайдаланушылар мен отандық тауар өндірушілер ішкі құндылықты дамыту бойынша жаңа тәсілдерді ұсынды, импортты алмастыру бойынша тиісті жаңартылған бағдарламалар туралы айтып берді. Сондай-ақ, форумға отандық сарапшылармен бірге қатысқан халықаралық сарапшылар осы саладағы тәжірибелерімен бөлісті.
Сонымен қатар, форумның практикалық нәтижелерінің бірі жер қойнауын пайдаланушылар мен отандық тауар өндірушілер арасындағы оффтейк-келісімшарттар мен ұзақ мерзімді шарттарға қол қою болды.