Бір минут ішінде ауысым алдындағы тексеру
2023-11-30, 10:38
Айым ОСМАН
«Қостанай минералдары» АҚ — ның өнеркәсіптік алаңында қызметкерлерді ауысым алдындағы медициналық куәландыруға арналған – «AdalCheck» КПАДМК аппараттар орнатылды.
«ҚМ» АҚ-да автоматтандыру және жаңғырту курсы жалғасуда. Бұл жолы кәсіпорын қызметінің маңызды салаларының бірі – еңбекті қорғау және өнеркәсіптік қауіпсіздік мәселелеріне баса назар аударылды. Мәселен, тау-кен көлік кешенінің денсаулық сақтау пунктінде қызметкерлерді ауысым алдындағы медициналық куәландырудың – «AdalCheck» КПАДМК екі аппараты орнатылды. Қазір тестілеу режимінде міндетті ауысым алдындағы медициналық куәландыруға жататын ТККК, ЭБ және МӨҚҚ қызметкерлері тексеруден өтуде.
Құрылғының мүмкіндіктері таң қалдырды — ол бір минут ішінде жұмысшылардың қысымын, импульсін, алкоголь буларын және температурасын өлшеп қана қоймай, әрқайсысының денсаулық жағдайын талдап, оны динамикаға түсіреді. Сонымен қатар, құрылғы параметрлерге байланысты медициналық қарап тексеруден өтудің барлық кезеңдерін бейне немесе фотосурет түсіруді қамтамасыз етеді. Бұл денсаулық сақтау пунктіндегі бейнежазбамен қатар, ауысым алдындағы тексеруледі жүргізудің объективтілігін толық бақылауға, қамтамасыз етуге және денсаулық сақтау пункттерінің медициналық персоналына жүктемені азайтуға мүмкіндік береді.
Әзірге, жоғарыда айтылғандай, аппараттардың көмегімен медициналық қарап тексерулер тест режимінде жүргізіледі. Оларды одан әрі пайдалану мәселесі аппараттың өзін қаншалықты тиімді көрсететініне және адам факторы мен оның барлық өзгешеліктерін ескеруге мүмкіндік беретін алгоритмге байланысты болады.
Айта кетейік, қызметкерлер айтатын барлық ескертулер осы жабдықты жеткізуші және қызмет көрсететін «Safety measures groupe» ЖШС-мен жинақталып, пысықталатын болады. Сондықтан, ауысым алдындағы куәландырудан өтіп жатқан құрметті каэмдықтар, «AdalCheck» аппараттарының жұмысы бойынша өз ескертулерімен бірге инженерлер немесе медициналық қызмет арқылы еңбекті қорғау және өнеркәсіптік қауіпсіздік қызметіне хабарласудан тартынбаңыз. Сіздің пікіріңіз өте маңызды — құрылғыларды баптау және олардың одан әрі жұмысының сапасы осыған байланысты.