Жітіқара ауданының ұстазы 1 орын жүлдегері атанды
2024-01-22, 12:24
Раяна ҚАРСАҚОВА
2023 жылдың 08 желтоқсанында Қостанай облысы әкімдігі білім басқармасының «Әдістемелік орталығы» КММ «Қостанай қаласы білім бөлімінің №17 жалпы білім беретін мектебі» КММ базасында «Шығармашыл бастауыш сынып мұғалімі» атты облыстық байқауы өтті. Байқау бастауыш сынып мұғалімдерінің беделін көтеру, кәсіби шеберліктерін арттыру мақсатында өткізілді. Байқауға Қостанай облысының барлық аудандарының мұғалімдері қатысты. Қазылар алқасының шешімі бойынша 1 орынды «Жітіқара ауданы білім бөлімінің М.Шожанов атындағы №2 жалпы білім беретін мектебі» КММ бастауыш сынып мұғалімі Артикова Коммуна Зиядинқызы, иеленді.Ұстаздың айтуы бойынша «жетістіктің бәрі өзіне сеніп, әрекет жасағандықтан» дейді. Коммуна Зиядинқызының сөзіне сүйенсек, Облыстық деңгейде 21 ұстаздаң алға шыққандар байқаудың әрбір кезеңінде көпшіліктің ықыласына бөленіп, тыңғылықты дайындығы мен сөйлеу әдебі, ұстаздық келбеті, педагогикалық ұстанымдығы және көпшіліктің қолдауымен шығармашылық нәтижелі жұмыс істеген ұстаздар «Алғыс хаттармен» мараптталды.
«Менің бүгінгі еңбегім – бұл менің бақытты қарттық ертеңім! Қазіргі оқыту үрдісінің мақсаты: оқушыны жан-жақты дамыған, функционалды сауатты, бәсекеге қабілетті жеке тұлға етіп тәрбиелеуге, білім беруге бағытталып отыр. Мен ең бірінші өзім еңбек етіп жүрген, тоқсан алты жылдық тарихы бар Мұса Шожанов атындағы №2 жалпы білім беретін мектебінде бастауыш сынып мұғалімі екенімді мақтанышпен айтамын. Бұл сайыста Жітіқара ауданының намысын қорғауға бардым. Жітіқара аудандық білім бөлімі мен мектеп ұжымының қолдауымен және тынымсыз еңбегімнің арқасында осындай нәтижеге жеттім».Барша байқауға қатысқан бастауыш сынып мұғалімдеріне күнделікті жұмыстарыңыздан рахат алуға, ұжымда жақсы қарым-қатынас болуына, ақылды, тілалғыш оқушылардың көп болуын, сонымен қатар денсаулық пен бақыт тілейміз!