Сөзді меңгерудің өзі – шеберлік
2024-02-01, 11:42
Аякөз Сұлтан
Жітіқара ауданында Жітіқара ауданы әкімінің кубогына дебат пікірсайысы бойынша турнир болып өтті.
Әртүрлі тақырыптарда ойлау, өз позициясын талдау және қорғай білу, салмақты дәлелдер келтіру, қабілеттері Жітіқаралық жастарға дебат клубын дамытуға көмектеседі.
Ауданымызда 2021 жылы пікірсайыс жанданып, содан бері аудандағы білім беру ұйымдарының барлығында дерлік жеке дебат клубы жұмыс істейді. Ал олардың жұмысының нәтижелері шынымен де таң қалдырады – жастар бірнеше рет облыстық пікірсайыс турнирлерінің жүлдегерлері атанды. Бірінші қатардағы дебат клубының топтары № 12 мектеп және Балалар шығармашылық үйінің командалары. Жітіқаралық пікірсайысшылардың тәлімгерлері Балшекер Туйганова мен Ярослав Курбацкий де ерекше нәтижемен, пікірсайыс клубтарының жетекшілері арасында өткен облыстық турнирде жеңімпаздар қатарынан көрінді.
Бізде де өз пікірсайыс дебат сайыстарымыз өтіп тұрады. Солардың ішінде Жітіқара ауданы әкімінің кубогы үшін өткен облыстық пікірсайыс турнирі ең маңыздыларының бірі болып саналады. Биыл оған 18 команда қатысты. Финал және жартылай финалмен іріктеу кезеңімен үш кезеңде болып, турнир бағдарламасы өте мазмұнды және қызықты өтті. Мұнда жастар орыс және қазақ сыныптары лигаларында пікірсайыс шеберліктерін көрсетті, олардың ішінде өз жеңімпаздары да болды.
Сонымен, 25 және 26 қаңтарда өткен екі дебат сайысының қорытындысы бойынша қазақ сыныптары лигасында Естай Есжанов атындағы №9 мектебінің дебат клубының «Аманат» командасы аудан әкімінің кубогы және дипломымен марапатталды. Сонымен қатар Жітіқара ауданының әкімі Нұржан Өтегенов принтер сатып алуға сыйлық сертификатын табыс етті. «Орда» балалар шығармашылық үйінің пікірсайыс клубының командасы («Достық зона») үздік нәтижені көрсетті. Оған сонымен қатар кубок, сертификат және принтер сатып алу үшін сыйлық сертификаты табыс етілді.
Сондай-ақ әр тіл сыныптары лигасының үздік спикерлері анықталды. Қазақ сыныптары лигасында Гулмира Алпысбаева, орыс сыныптары лигасында Богдан Щербаков үздік спикер деп танылды.