ҚМ қыздары барлық команданы жеңді
2024-02-14, 10:46
Аякөз СҰЛТАН
Қазақстан жастары күні мен Жітіқара қаласының 85 жылдығына арналған интеллектуалды ойын-сауық ойынында «Қостанай минералдары» АҚ жастар кеңесінің әйелдерінің жартысы күштерін сынады. Іс-шараны Жітіқара ауданының жастар ресурстық орталығы ұйымдастырып, «Шоколад» кафесінде болып өтті.
Ойынның демеушілері Шоколад кафесі, Golden Place кафесі және KINO PLUS кинотеатры болды.
Қаламыздың креативті және жас зиялылары зияткерлік аренаға шығып, олардың арасында кім үздік екенін түсінуге тырысты. Барлығы 9 команда болды: «Мамин тортик», «Боржоми» («Қостанай минералдары» АҚ), «Akatsuki», «Монолит» («Комаровское тау-кен кәсіпорны» ЖШС), «Лед и пламя», «ЗАМАНчивая компания» (радио «Заман»), «Компас» («МехЛитКом» ЖШС), «Фемида» (Жітіқара ауданының прокуратурасы), «Спартак» (№ 12 орта мектебі).
Ойын викториналық форматта жасалып, алты кезеңде өтті. Смайликтер арқылы атақты тұлғаны тап, өз біліміңді көрсет, күрделі сөзжұмбақты шешу, ең күрделісі логикалық тізбектерді табу, кино туралы қиын сұрақтар мен қалалық ұйымдар басшыларының сұрақтарына жауап беру — барлық тапсырмаларды орындау үшін оларға интеллектуалды екенін, жан-жақтылығын көрсетулеріне тура келді.
Тартысты додада «Қостанай минералдары» АҚ ұжымы әйелдерінің асхана жұмыстарында ғана мықты емес, сонымен қатар зерделілігі, логикасы, тапқырлығы, шығармашылық қабілеті де бар екенін дәлелдеді. Қыздар өздерінің ақыл-парасаттарының биіктігін көрсетіп, жеңісті «Спартак» командасынан және толығымен дерлік «Монолит» ерлер командаларын басып озып жеңіске жетті. Жеңімпаздар 30 000 теңге ақшалай сыйлыққа ие болды. 2 орын алған «Спартак» командасы «Golden Place» кафесінде 15 000 теңгенің сертификатын жеңіп алса, 3 орын алған «Монолит» командасы KINO PLUS кинотеатрына жолдама алды. Жеңімпаздар мен жүлдегерлерді жеңіспен шын жүректен құттықтаймыз!!!