Аякөз Сұлтан
 
16 ақпанда «Денсаулық-2008» ЖШС шипажай-профилакториясында ҚM Quiz 2024 маусымдық ойыны басталды.
 
Әдеттегідей, зиялылардың ең таңдаулылары бас қосып, өз ойларымен шапшаңдығы, сонымен қатар өз күш жігерлерін көрсете білді. Бұл ойынға жаңа қатысулармен қатар бұрынғы қатысушыларды қоса алсақ, барлығы 9 команда қатысты:  «404», «Антистресс», «Непросто красивые», «Автофарт», «Компас», «МРЦ», «Монолит», «Бірлік», «ЗАМАНчивая компания».
Дәстүрге сай ойын  7 кезеңнен  болып өтті. Қатысушылардың байқауы бойынша, бұл жолы музыкалық тақырыпта да сұрақтар қойылды  – әнді орындаушыны табу, әннің атын және т.б. көптеген сұрақтар  болды. Жалпы айтатын болсақ ойын алаңы өте қызулы дәрежеде болды, себебі ойыншыларға қойылған сұрақтар қиындаған сайын ойын қыза түсті: 
2024 жылдың бірінші ойынының қорытындысы бойынша: 1 орын — «ЗАМАНчивая компания»; 2 орын — «404»; 3 орын — «Непросто красивые».
Айта кетейік, жеңімпаздар ағымдағы жылдың желтоқсан айында өтетін финалдық ойынға автоматты түрде жолдама мен 60 000 теңге көлемінде ақшалай сыйлыққа ие болды.
Зияткерлік викторинаға алғаш рет қатысқан «Бірлік» командасының мүшелері сұрақтардың өздері үшін оңай болмағанымен, соған қарамастан, процестің өзі қызықты болғанын, сондықтан келесі ойындарға міндетті түрде қатысатындарын айтты.
Викторинаның өткен маусымының чемпиондары – «404» командасы – ойынның адал жанкүйерлері екенін және жалпы атмосфера мен қарқынды миға шабуылдан керемет ләззат алғандарын айта кетті. Көптеген жеңістерге қарамастан, бұл викторина оңай болған жоқ,  кейбір сұрақтар қиын болып, мимен жұмыс жасауға  тура келді.
ҚM Quiz — 2024 ойындарының кезеңі басталды, біз интеллектуалды ойын әлемінде, оқиғалардың қалай дамып жатқанын әрі қарай бақылайтын боламыз.