Аякөз Сұлтан
 
Қ.И.Сәтбаев атындағы Қазақ ұлттық ғылыми-зерттеу техникалық университетінің оқытушыларынан құралған ұжымы жұмыс сапарымен «Қостанай минералдары» АҚ-да болды. Қонақтар кәсіпорынның өндірістік алаңында сонымен қатар Жітіқара политехникалық колледжі мен базасындағы цехтарында да болды.
 
Сапардың мақсаты өзара тиімді ынтымақтастық орнату және тәжірибе алмасу болды.
Өндірістік нысанға экскурсиядан басқа, университет өкілдері кәсіби мәселелерді егжей-тегжейлі зерделеу және бірлескен ғылыми зерттеулердің жетістіктерін талқылау үшін ТКК, АКК және БК мамандарымен сөйлесе алды.
Одан әрі колледжді аралау кезінде келесі тақырыптар көтерілді: колледж түлектерінің кәсіпорынға одан әрі жұмысқа орналаса отырып, жоғары білім алуы, университет студенттерінің тәжірибелік сабақтарын ұйымдастыру. Сонымен қатар, қонақтар колледж оқытушылары мен «ҚМ» АҚ қызметкерлерін қайта даярлау және біліктілігін арттыру туралы ұсынысын білдірді.
Жұмыс сапары университет пен кәсіпорын арасында білім және ғылым саласындағы ынтымақтастық туралы меморандумға қол қоюмен аяқталды. Ол ұзақ мерзімді серіктестік орнатуға және тараптар арасындағы тиімді және өзара тиімді ынтымақтастықты дамытуға бағытталған. Меморандум аясында өзара ынтымақтастықтың негізгі бағыттары анықталды: бірлескен ғылыми жобаларды жүзеге асыру, білім беру бағдарламаларын, конференцияларды, семинарларды ұйымдастырудағы ынтымақтастық, бірлескен ғылыми-зерттеу жұмыстары, ғылыми мақалалар жариялау, студенттердің оқу және өндірістік тағылымдамаларын (өндірістік тәжірибелерін) өткізу, түлектерді жұмысқа орналастыру,  оқыту жүйесін енгізу, сонымен қатар тараптардың қызмет бағыттары бойынша кафедра филиалдарын ашу, тәжірибе және білім алмасу.
Жоғарыда айтылғандарға сүйене отырып, ынтымақтастықтың келешегі өте кең екенін және жақсы серіктестік, әдетте, әрбір тарап үшін оң нәтижелерге әкелетінін атап өтеміз.