«Қостанай минералдары» АҚ су тасқынынан зардап шеккендерге қаржы бөледі
2024-04-12, 04:02
Қазақстанда болған су тасқыны еліміздің тарихындағы ең ірі табиғи апаттардың бірі болды. Салыстырмалы көлемдегі оқиға соңғы 80 жылда болмаған. Қостанай облысы соның ішінде ауданымызға су тасқыны зиян келтірді. «Қостанай минералдары» АҚ зардап шеккендерге көмек көрсетуге өз үлесін қоспақ.
Жітіқара ауданында аулаларды, көшелерді айтпағанда, 20-дан астам тұрғын үйді су басып, жолдарда су тасқыны болды. Қостанай облысында жеке үйлерден бөлек, әлеуметтік инфрақұрылым нысандары да зардап шекті. Көптің үйреншікті өмір салты бір күнде бұзылды.
Қиын сәттерде көмек пен қолдау бұрынғыдан да маңызды. Осы мақсатта Қостанай облысында Қазақстанның түкпір-түкпірінен мүдделі азаматтар мен кәсіпкерлердің қаражатын жинақтайтын «Komek.kst» қоғамдық қоры құрылды. Айта кетейік, жиналған қаражат Қостанай облысындағы су тасқынынан зардап шеккендерге көмекке жұмсалады. Қордың қызметі мен қаражат қозғалысы облыстық мәслихаттың депутаттық корпусының бақылауында, оның құрамына «Қостанай минералдары» АҚ басқарма төрағасы Е.С.Нұрхожаев кіреді.
Біздің қала құрушы кәсіпорны қиын уақытта шетте қарап тұра алмады – «ҚМ» АҚ бұл қорға 50 000 000 теңгені бағыттайды.
«Егер адамдар бір-біріне көмектесуді үйренбесе, адамзат баласы жер бетінен жойылып кетеді» Вальтер Скотт.