Жеңіс Күні қарсаңында «Қостанай минералдары» АҚ басшылығы концлагерь тұтқыны Леонид Вилейтоны құрметпен және ризашылықпен құттықтады.
Леонид Климентьевичке жыл сайынғы сапарлар ұрпақтар сабақтастығын, Отанымыздың бостандығын өз өмірін қиған жандардың ерлігіне құрметпен қарауды, аға ұрпаққа қамқорлықты білдіретін игі дәстүрге айналды.
Техникалық директор Айбол Смағұлов және Істер басқармасы қызметінің бастығы Мырзабек Ақтаев Леонид Климентьевичке гүл шоқтарын, азық-түлік жиынтығы мен конверт сыйлап, қала құраушы кәсіпорынның бүкіл ұжымы атынан денсаулық пен бейбіт аспан тілеп, оның баға жетпес өмірлік тәжірибесін, табандылығы мен батылдығын атап өтті.
Биылғы жылы ардагермен әңгіме жаңа ашылымдар әкелді: қызы оның өмірбаянының бұрын белгісіз мәліметтері туралы айтып берді. Ол 1934 жылы Леон Вилейтус деген атпен дүниеге келген екен және құжаттар белгісіз себептермен өзгертілген.
Леонидтің балалық шағы Гремендорф неміс концлагерінде өтті. Соғыс оны бейбіт өмірден аяусыз алыстатып, жан дүниесінде терең тыртықтар қалдырды. 1945 жылы босатылғаннан кейін оның отбасы өз Отанына оралды. Леонид Климентьевич жас кезінде ағаш кесумен айналысты, әскерде қызмет етті, тракторда жұмыс істеді. 1956 жылы Қазақстанға келіп, тың жерлерді игеруге атсалысты. 1962 жылдан бастап оның өмірі Қостанай асбест комбинатымен байланысты, онда ол бульдозершіден жөндеуші слесарь бригадиріне дейін 23 жыл жұмыс атқарды. Леонид Вилейтомен кездесу – бұл тек еске алу және құрметтеу ғана емес, бұл тарихты қозғау, бейбітшіліктің құны және оны болашақ ұрпақ үшін сақтауға не істеу керек екендігі туралы ойлау мүмкіндігі.