Қазақстан мұсылмандары діни басқармасының төраға орынбасары, наиб мүфти, шариғат және пәтуа бөлімінің меңгерушісі, ғұламалар кеңесінің мүшесі Сансызбай қажы Құрбанұлы Қостанай облысына арнайы сапармен келіп, дін қайраткерлері, зиялы қауым өкілдері, жалпы жұртшылықпен өткізілген конференцияға қатысты.
Бұл аталмыш жиын Қостанай облыстық «Аймағанбет қажы Спанұлы» мешітінде діни рәсімдерде ысырапшылдыққа жол бермеу және оның алдын-алу мәселесі бойынша ұйымдастырылды.
Бүгін жиында арқау болған тақырыптардың бәрі де өзекті. Ысырапшылдыққа жол бермеу баршамызға да аса маңызды. Конференцияға есімдері елімізге белгілі дін және қоғам қайраткерлері, ғалымдар мен ақын жазушылар қатысты. Қатысушылардың баяндамалары мен пікірлерін  қорытындылай келе төмендегі шешім қабылданды.
ҚАБЫЛДАНҒАН ШЕШІМ:

1. Қостанай облысы көлемінде қонақ асын беруді тоқтату(жаназадан бір күн бұрын берілетін ас);
2. Бекітілген ас мәзірін бірізділікке салу (бауырсақ немесе нан, қант, кәмпит-печенье, су, шәй, ыстық тамақ)
3. Діни рәсімдердегі ас-жиындардасөз сөйлеуді 3 адаммен ғана шектеу;
4. Қазақстан мұсылмандары діни басқармасының «Qamqor-sharapat» орталығының бекіткен нормалары бойынша зират көтеру (Қайтыс болған кісінің құлпытасына фото-сурет, Құран аяты, өлең шумақтары жазылып, салынуына тыйым салынсын)
5. Марқұмға арналған жылдық астарда көрсетілетін бейне – роликтердің мазмұнына назар аудару (қойылатын әуенге (музыка) назар аудару, алкогольді ішімдігі бар бейне және фото көріністерінің, әуреті ашық киімдердің болмауы)

 
«Дін мен дәстүр: ысырапшылдықтың алдын алу» атты конференциясында қабылданған ас мәзірі:

1. Нан немесе бауырсақ
2. Су (газды, газсыз)
3. Кәмпит
4. Печенье
5. Қант
6. Шәй
7. Ет немесе күріштен ас

 
Негізгі мақсат – сол қаралы үйге, артында қалған отбасына материалдық салмақ түсірмеу және ысырапшылдыққа жол бермеу
 
«Qamqor-sharapat» орталығының бекіткен зират көтеру үлгісі:
 
Зират биіктігі – 60 см
Құлпытас биіктігі – 1 м