Қазақстан Республикасының Әкімшілік рәсімдік-процестік кодексіне сәйкес жеке және заңды тұлғалардың жолданымдарын тіркеу және қарау жолданымдарды қабылдау және өңдеудің «e-Otinish» бірыңғай платформасында жүзеге асырылады.
Ақпараттық жүйе мәліметтерді бақылау және талдау үшін енгізілген, сондай-ақ жолданымдарды қарау процесін бақылауға мүмкіндік береді.
«e-Otinish» — жолданым берушімен кері байланыс жасауға және мемлекеттік органдардың, жергілікті өзін-өзі басқару органдарының, мемлекет жүз пайыз қатысатын заңды тұлғалардың (бұдан әрі — әкімшілік орган) жұмысына баға беруді жүзеге асыратын жүйе.
Жолданымдарды қараудың барлық тарихы ақпараттық жүйеде сақталады, әкімшілік орган бұрын қабылданған шешімдерді көреді және әкімшілік істі қалыптастырады.
Жолданымдарды екі жолмен беруге болады. Азаматтар ХҚО немесе әкімшілік органға келіп жолданымдарын қалдыра алады.
Бұл үшін ХҚО жолданымдарды қабылдайтын «Нәтиже» арнайы орталықтары құрылған. Бұл ХҚО операторы жолданымдарды қабылдап және оны «e-Otinish» жүйесінде тіркейтін жеке кабинеттері.
Әкімшілік органдардың қызметкерлері де жолданымдарды дербес қабылдайды және оларды «e-Otinish» жүйесінде тіркейді.
Жолданымды тіркегеннен кейін жолданым иесіне оны қабылдаған адамның тегі және аты-жөні, лауазымы, күні мен уақыты көрсетілген талон беріледі.
Егерде ХҚО немесе әкімшілік органға баруға уақытыңыз болмаса, жолданымды «eGov» порталы, «e-Otinish», «eGov mobile» мобильді қосымшалары арқылы беруге болады.
Жүйе жолданым берушілерге өз жолданымдарын қарау барысын бақылауға және берілген жауаптың сапасын бағалауға мүмкіндік береді.
Сондай-ақ, треккинг функционалдығын пайдалана отырып, жолданым берушілер SMS-хабарламаларды ала алады және жолданымның белгілі бір әкімшілік органда қараудың қай сатысында тұрғандығын біле алады.
Қазақстан Республикасының Әкімшілік рәсімдік-процестік кодексіне сәйкес жолданымды қабылдаудан бас тартуға тыйым салынатындығын азаматтарға еске саламыз.
Осындай жағдайларда Қазақстан Республикасы Бас прокуратурасы Құқықтық статистика және арнайы есепке алу жөніндегі комитетінің Қостанай облысы бойынша Департаментінің 53-70-71, 53-52-82 телефон нөмірлеріне хабарласу қажет.