Жітіқара политехникалық колледжінің студенттері қала құраушы «Қостанай минералдары» АҚ кәсіпорнының өндірістік алаңында болды. Экскурсияны «АМАНАТ» партиясының облыстық филиалы «ҚМ» АҚ басшылығымен бірлесіп жастар саясаты және жұмысшы мамандықтары жылы аясында ұйымдастырды. Екінші курс студенттері – болашақ кеншілер үшін, өндірісті ішінен көруге деген тамаша мүмкіндік болды.
Студенттермен бірге кәсіпорынға «АМАНАТ» партиясы аудандық филиалының төрайымы Зульфия Урманова және партия фракциясының депутаттары: «ҚМ» АҚ техникалық директоры Айбол Смагулов, Жітіқара политехникалық колледжінің директоры Марат Аблаев, және «Хризотил КМ» газетінің бас редакторы Оксана Ержанова қатысты. Экскурсия барысында Айбол Рахимгалиевич жастарды қызықтырған барлық сұрақтарға жауап беріп, кәсіпорын қызметі мен бірегей минерал – хризотил туралы жан-жақты айтып берді.

Экскурсия барысында студенттер негізгі нысандарды аралап, өндірістік процестерді көріп, учаске жетекшілерімен әңгімелесті. Болашақ кеншілер белсенді түрде сұрақтар қойып, мамандардан толық жауаптар алды.

Саяхат нәтижесінде студенттер өздерінің болашақ мамандықтары туралы көп мәлімет алып, кәсіпорынға тағы да келетіндерін айтты.