Жұмысшы мамандықтар – кез келген экономиканың іргетасы, білікті мамандар барлық салада сұранысқа ие болса, Жітіқара политехникалық колледжінде студенттер арасында өткізілетін кәсіби шеберлік байқаулары кадр дайындығын жоғары деңгейде ұстап, үздіктерді анықтауға септігін тигізеді. Биыл байқау «МехЛитКом» ЖШС қолдауымен өтіп, оған электр дәнекерлеуші ​​мамандығын оқып жатқан 1-3 курс студенттері қатысты.
 
Жігіттер өздерінің теориялық білімдерін ғана емес, сонымен қатар металмен жұмыс істеу, күрделі дәнекерленген конструкцияларды орындау және қауіпсіздік талаптарын сақтау қабілеттерін көрсетті. Оларға күрделі практикалық тапсырмаларды орындау керек болды: түйіспе және бұрыштық қосылыстарды дәнекерлеу, құбырлармен және металл прокаттармен жұмыс істеу, сонымен қатар тігістердің сапасын визуалды және өлшеуді бақылау. Әділ қазылар жұмыстың дәлдігіне, технологияның сақталуына және дәнекерленген жіктердің ұқыптылығына назар аударды.
Байқауға қатысушылардың жұмысын тәжірибелі мамандар, нағыз дәнекерлеуші ​​мамандар бағалады:

• «МехЛитКом» ЖШС директоры, қазылар алқасының төрағасы; Ахметов Рустам Гумарович.
• Механикалық құрастыру цехының бастығы — Донос Алексей Иванович
• Аға өндіріс шебері — Павлов Евгений Александрович
• Колледж оқытушылары және дәнекерлеу саласының мамандары — Байтышев Мендыбай Тынышканович, Исркепов Самат Тулегенович, Байтлеуов Ерлан Салимгериевич .

Тартысты сайыс қорытындысы бойынша Дмитрий Галкин үшінші, Александр Гадлевский екінші, Сергей Стаценко жеңімпаз атанды. Жеңімпаздар дипломдар  және ақшалай сыйақылар мен естелік сыйлықтарға ие болды. Сонымен қатар, оларға «МехЛитКом» ЖШС-де қаржы төленетін тәжірибеден өтуіне, сонымен қатар жұмысқа орналасуға деген мүмкіндікке ие болды.
Байқау студенттердің жоғары дайындық деңгейін, кәсіби өсуге деген ұмтылысын және өз ісіне деген сүйіспеншілігін көрсетті. Ұйымдастырушылардың айтуынша, мұндай байқаулар жас мамандардың біліктілігін арттырып қана қоймай, жастар арасында  жұмысшы мамандықтар жылын кеңінен насихаттайды.
Жеңімпаздарды құттықтаймыз және барлық қатысушыларға болашақта өсіп-өркендеулеріне тілектеспіз!