«Қостанай минералдары» АҚ еңбекті қорғау және өнеркәсіптік қауіпсіздік бойынша жұмыстың қорытындысын шығарды. Техникалық кеңеске кәсіпорындағы қауіпсіздікке жауапты басшылар мен мамандар қатысты.

Ең негізгілері:

Еңбек қауіпсіздігі: еңбекті қорғауға жұмсалатын шығындардың жыл сайын артуы жарақаттану деңгейінің төмендеуіне әкелді. Vision Zero бағдарламасын жүзеге асыру оң нәтиже беруде.

Аурушаңдық: 5,6%-ға өсу тіркелді, негізінен респираторлық ауруларға байланысты. Қосымша профилактикалық іс-шаралар әзірленуде, жұмысшыларды ауысым алдындағы тексеру және медициналық тексерулер жүргізілуде.

 Экология: ауа, су және топырақ сапасына мониторинг жүргізілді, қоршаған ортаны қорғаудың барлық шаралары орындалды. Экологиялық сақтандыруды енгізу бойынша жұмыс басталды.

Өрт қауіпсіздігі: 271 нысанда заманауи өрт сөндіру жүйелері орнатылды, 57 тактикалық оқу-жаттығу және 30 эвакуациялау оқу-жаттығулары өткізілді. Қауіпсіздік деңгейін арттыруға мүмкіндік беретін Ajax мониторинг жүйесімен интеграция жүргізілуде.

Техникалық директор Айбол Смагуов қауіпсіздікті жақсартуға қосқан үлесі үшін барлығына алғыс айтып, алдын алу шараларының маңыздылығына тоқталды.

Қызметкерлерімізге қамқорлық жасау – біздің басты міндетіміз!