«Қостанай минералдары» АҚ жетекші оқу орындарымен байланысты нығайтып, компанияның ғылыми әлеуетін дамытуға, әртараптандыру жобаларын жүзеге асыруға, білікті мамандар даярлауға талпынуда. Бұл жұмыста мамандандырылған оқу орындарымен өзара тығыз байланыс маңызды рөл атқарады. Олардың қатарында Рудный Индустриалды Университеті де бар, оның ректоры Нурбек Сапарходжаев бастаған делегация 18 наурыз күні қала құраушы кәсіпорнында болды.

Экскурсия барысында қонақтар Хризотилді алу, өңдеу және сапасын бақылау процестерімен танысты. Компания мамандары қолданылатын технологиялар, қауіпсіздік жүйесі және экологиялық стандарттар туралы айтып өтті. Кездесудің маңызды бөлігі ынтымақтастықтың перспективалық бағыттарын, соның ішінде қалдықсыз өндіріс бойынша жобаларды бірлесіп жүзеге асыру, технологиялық процестерді ғылыми қамтамасыз ету, сондай-ақ қаланы жасылдандыру сияқты экологиялық бастамаларды талқылады.

Негізгі нәтиже өзара түсіністік пен ынтымақтастық туралы меморандумға қол қойылды. Құжат өндірістік процестерді жетілдіруге, бірлескен зерттеулер жүргізуге, сондай-ақ мамандарды оқыту мен біліктілігін арттыруға бағытталған ғылыми зерттеулер саласындағы ынтымақтастықты көздейді. Сонымен қатар, ынтымақтастық «Қостанай минералдары» АҚ-ның білім беру бағдарламаларын қалыптастыруға қатысуын, «ҚМ» АҚ өндірістік процестерінің ерекшеліктерін ескере отырып, лекциялар мен шеберлік сабақтарын ұйымдастыруды қарастырады.
Кәсіпорын үшін бұл біріктіру озық ғылыми әзірлемелерді енгізуге және заманауи өндіріс жағдайында тиімді жұмыс істеуге қабілетті білікті мамандарды дайындауға мүмкіндіктер береді. Университет үшін бұл экологиялық жобаларды жүзеге асыруға, студенттерге аймақтағы ең ірі өнеркәсіптік кәсіпорындарының біріне негізделген практикалық білімдерін арттыруға және саланың дамуына үлес қосуға мүмкіндік береді.