2025 жылдың 18 наурызында Тілдерді оқыту  орталығының ұйымдастыруымен А1 қарапайым деңгейі тыңдаушылары арасында "Қазақшаңыз қалай?«атты аудандық сайыс болып өтті.
Сайысқа 4 топ қатысты: „Тұмар“ тобы аудандық аурухана тыңдаушылары, „Арулар“ тобы Аудандық сот тыңдаушылары, „Достық“ Қазақ Газ аймақ тыңдаушылары, „Қарлығаш“ тобы Забеловка ауылы тыңдаушылары.
Сайыс кезеңдері: 1-айналым: «Таныстыру» уақыты 3 минуттан аспауы тиіс.(қазақ тілінде)
2-айналым: «Өлең сөздің патшасы» (Абай Құнанбаевтың өлеңдерін мәнерлеп оқу, Шәмші Қалдаяқов әндерін орындау)
3-айналым: «Қазақшаңыз қалай?» (қазақ тіліндегі сөздерді аудару)
4-айналым: «Мақал мәтелді білесіз бе?» (түсіп қалған сөздерді тауып мағынасын түсіндіру. Мысалы:… оттан да ыстық,… жердей жер болмас,… елдей ел болмас)
Сайыстың төрт кезеңінен мүдірмей барлық тапсырмаларын орындаған екі топтың ұпайлары тең болған соң, сайыс соңында қосымша тапсырма берілді. Екі топқа жаңылтпаш пен бір-бір мақал берілді. «Арулар» тобы жаңылтпашты жақсы айтып шыққанымен, мақалды дұрыс таба алмады. Ал «Қарлығаш» тобы екеуін де дұрыс орындап алда болды.
 Нәтижесінде Забеловка ауылы „Қарлығаш“ тобы тыңдаушылары жоғары балмен жеңіске жетті. Сайыс қатысушылары алғыс хат және бағалы сыйлықтармен марапатталды. Барлық сайыс қатысушыларын жеңістерімен құттықтаймыз! Алдағы тіл үйренуде бұдан да жоғары нәтиже көрсетсін деген тілектеміз.