2025 жылдың 13 наурызында Қостанай облысы «Тілдарын» тілдерді оқыту орталығының ұйымдастыруымен алғаш рет Наурыз мерекесі қарсаңында қазақ елінің көнеден келе жатқан салт-дәстүрлерді дәріптеу мақсатында  «Тіл мен дәстүр» атты облыстық байқауы болып өтті.
Байқауға Жітіқара ауданы «Асыл мұра» тобы, Рудный қаласы «Қазыбек би» тобы, Сарыкөл ауданы «Наурыз» тобы, Қарасу ауданы «Қазына» тобы мен зиялы қауым өкілдері, журналистер, мемлекеттік қызметкерлер, әскери қызметкерлер қатысты.
Байқау кезеңдері:

• 1-кезең «Білгенге маржан, білмегенге арзан» қазақ халқының саяси өмірімен байланысты шешендік сөздерден үзінді қойылым көрсетті.
• 2-кезең «Сөз мәйегі мақалда» берілген тақырыптар бойынша мақал-мәтелдер айту.
• 3-кезең «Ойлы болсаң, тауып көрде» жасанды интелект арқылы жұмбақтың шешуін табу.
• 4-кезең «Кім жаңылыспайды?» сайысында тез әрі жылдам жаңылтпаштар айту.

Байқау қорытындысы бойынша әр ауданнан қатысқан топтардың ішінен «Асыл мұра» тобы жеңімпаз атанды. Жеңімпаздарға мәдениет басқарма басшысының дипломы мен ақшалай сыйлықтар табысталды. Қатысушылар арасынан біздің ауданымыздан «Тілдерді оқыту орталығы» КММ директоры Медетбаева Тынышкүл Жұбатханқызы қатысып, жүлделі орынға ие болды.
Барлық сайыс қатысушыларын құттықтаймыз! Алда осындай жүлделеріміз бола берсін деп тілейміз.