Мамырдың 21-і мен 30-ы аралығында Business.enbek.kz порталы кәсіби-ойларды жүзеге асыру үшін 400 АЕК (1 572 800 теңге) көлеміндегі гранттарға өтінімдерді қабылдаудың басталғанын хабарлайды. Жітіқара аудандық «Мансап орталығы» филиалының меңгерушісі Гульнар Келеманова бізге грантты қалай алуға болатынын, қаражатты не үшін жұмсауға болатынын, кәсіпкерлік жолды неден бастау керектігін айтты.
 
– Гульнар Бахтжановна, айтыңызшы, кімдерге грант алуына болады?
– Бағдарлама халықтың әлеуметтік осал топтарына арналған. Келесі тұлғалар өтініш бере алады: көп балалы отбасылар, мүгедектер, аз қамтылған азаматтар, мүгедек бала күтімі бойынша жәрдемақы алушылар, көшіп-қонушылар, асыраушысынан айырылу бойынша жәрдемақы алушылар, сондай-ақ қандас мәртебесі бар тұлғалар. Сондай-ақ жұмысқа орналасу талаптары бар: қатысушы тіркелген жұмыссыз немесе 3 жылға дейін жұмыс өтілі бар жеке кәсіпкер болуы қажет.
 
– Өтініш берушілерге санатқа жататынынан бөлек қандай талаптар қойылады?
– Міндетті түрде – «Бастау Бизнес» курсын бітіргені туралы сертификаты болуы керек. Бұл кәсіпкерлік негіздеріне қысқа мерзімді оқыту, сол кәсіпке деген оң көзқараста болуына көмектеседі – кәсіби-жоспар құрудан бастап есептеулер мен жылжытуға дейін. Сонымен қатар, өтініш беруші өтініш берген кезде басқа белсенді жұмыспен қамту шараларына тартылмауы керек (Оңтүстіктен Солтүстікке қоныстандыру бағдарламасынан басқа).
 
– Грант қандай мақсатқа жұмсалады,  шектеулер бар ма?
– Гранттар тек кәсіпті дамытуға беріледі. Бұл қаражатқа құрал-жабдықтарды, құрал-саймандарды, ауыл шаруашылығы жануарларын, құстарды, дәнді-дақылдарды, көшеттерді сатып алуға, үй-жайларды жалға алуға болады. Ақшаны жеке қажеттіліктерге — несие төлеуге, жылжымайтын мүлік сатып алу, үй немесе көлік алуға жұмсауға болмайды.
 
– Грант алу үшін дайын кәсіп болуы қажет пе, әлде кәсіби-ойлары жеткілікті ме?
– Дайын кәсіптің болуы міндетті емес. Ең бастысы — өмірлік кәсіби-ой және оның қалай жүзеге асатынын білу. Өтініш беруші кәсіби-жоспар беріп, қаражаттың не үшін жұмсалатынын және оның табыс көзін құруға қалай көмектесетінін нақты негіздеуі керек.
 
– Грант алу мүмкіндігіне қызығушылық танытқандарға не істеу керек?
– Бірінші қадам – критерийлерге сәйкес келетініңізге көз жеткізу, содан кейін «Бастау Бизнес» тренингіне қатысу (егер сізде әлі жоқ болса). Одан кейін Business.enbek.kz порталында тіркеліп, 21 мамыр мен 30 мамыр аралығында өтініш қалдырасыз. Барлық сұрақтар бойынша бізге хабарласуға болады: Жітіқара қ. Асамбаева, 51, 1 кабинет, телефон 2-12-21. Консультацияға, құжаттарға көмектесеміз.
 
– Сенімсіз болып жүргендерге қандай кеңес берер едіңіз?
 
– Бұл грант – өміріңізді өзгертуге, тұрақты табыс әкелетін кәсіп ашуға нақты мүмкіндік береді. Қорқудың қажеті жоқ — жіберіп алған мүмкіндікке кейін өкінгенше тырысып көрген дұрыс деп ойлаймын.
 
— Сұхбат үшін көп рахмет!