19 мамыр күні аудан әкімі Аслан Жаныспаевтың төрағалығымен кезекті аппарат отырысы өтті. Күн тәртібінде өте маңызды мәселе – көктемгі алқаптық жұмыстарына дайындық болды.
Ауа райының тұрақсыздығына байланысты ауцданда егін егу басталуы мерзімі ауыстырылды. Аудандық ауыл шаруашылығы бөлімінің басшысы Тимур Рамазановтың айтуынша, диқандар егін егу жұмыстарын бастап кетті. Бүгінгі таңда 11,6 мың гектар ауыл шаруашылығы дақылдары егілді, оның ішінде: дәнді дақылдар – 9,2 мың гектар (жоспардан 4,8%), майлы дақылдар – 200 га (0,7%), мал азығы – 2,2 мың гектар (22,9%).
Сонымен қатар, ылғалды жою жұмыстары толық көлемде жүргізілді – бұл жұмыстар 215 мың гектар аумақты қамтыды. Егіс алдындағы топырақ өңдеу де 100 пайызға орындалды, яғни 95,2 мың гектар.
Аудандық тұқым зертханасына (ЖШС «ЗерноАгроЭксперт») 23,0 мың тонна тұқым сараптамаға қабылданып, барлығы тексерілді. Тимур Биртаевичтің айтуынша, диқандардың материалдық-техникалық базасы көктемгі дала жұмыстарын толыққанды өткізуге мүмкіндік береді. Жыл басынан бері аудандағы шаруа қожалықтары жалпы сомасы 359,4 млн теңгеге 7 бірлік ауыл шаруашылығы техникасын сатып алды.
Оның үстіне шаруаларға мемлекет тарапынан жасалып жатқан қолдау да жылдан-жылға артып келеді. Көктемгі дала жұмыстарын үздіксіз жүргізу үшін ауыл шаруашылығы кәсіпорындарына 4070 тонна арзандатылған дизель отыны бөлінді. Сондай-ақ, «Кен дала» бағдарламасы аясында қазірдің өзінде өңірдегі ауыл шаруашылығы тауарын өндірушілерге 1,526 млрд теңгенің жеңілдетілген несие берілген. «Аграрлық несие корпорациясы» АҚ-да 1,3 млрд теңгеден астам сомаға тағы 10 өтінім қаралуда. Сонымен қатар, «НК Продкорпорация» АҚ-ның форвардты сатып алу бағдарламасы бойынша 300 млн теңгеге өтінімдер мақұлданды.
Басымдықтардың қатарында минералды тыңайтқыштарды енгізу көлемін арттыру да бар. Мемлекет олардың құнының 60% -ын өтейді, бұл тыңайтқыштарды сатып алуды қолжетімді етеді. Бүгінгі таңда ауыл шаруашылығы тауарын өндірушілер 729,6 тонна тыңайтқышқа (оның ішінде «Қазфосфат» ЖШС-не 601,6 тонна, «ҚазАзот» АҚ-на 128 тонна) өтінім берді. Жалпы көлемі 961,6 тонна ресейлік тыңайтқыштар да сатып алынды.
Аслан Жаныспаев арзан жанармай сатып алудан бастап, егіс алқаптарының санитарлық жағдайын қадағалауға дейінгі барлық бағыттағы жұмысты күшейту қажеттігін айтты. Зиянкестердің, әсіресе, шегірткелердің пайда болуын дер кезінде бақылау және жедел әрекет етудің маңыздылығын бөлек атап айтты. Егер дер кезінде араласпаған жағдайда жәндіктер егінге зиян келтіреді.
Әкім барлық науқанның сәтті өтуі белгіленген мерзімдерді қатаң сақтауға байланысты екенін баса айтты. Арамшөптердің белсенді өсуі жағдайында кез келген кешігу болашақ егіннің сапасы мен көлеміне әсер етуі мүмкін. Егістік келісіліп, ұйымдастырылған түрде және елеулі кідіріссіз орындалуы қажет.
