«Қостанай минералдары» АҚ өндірістік аумағында «Ұзақ өмір белсенділігі» клубының мүшелеріне экскурсия өтті. Кездесу «АМАНАТ» партиясының бастамасымен сонымен қатар біздің кәсіпорынның қолдауымен және экскурсияны жүргізген техникалық директор, «АМАНАТ» партиясынан сайланған аудандық мәслихаттың депутаты Айбол Смагуловтың белсенді қатысуымен ұйымдастырылды. Сондай-ақ, шараға аудандық мәслихат депутаты, «ҚМ Хризотил» газетінің бас редакторы Оксана Ержанова қатысты. Айбол Рахимгалиевич біздің карьердің ауқымы, хризотилді алудың күрделі, бірақ қызықты кезеңдері, сондай-ақ оның бірегей қасиеттері мен қолданылуы туралы айтты.
 
— Асфальтқа хризотил қосу жолдарды тозуға және температураның өзгеруіне төзімді ететінін білесіз бе? Ал хризотил цемент құбырлары коммуналдық жүйелерде ондаған жылдар бойы ауыстырылмай жұмыс істеп келеді! Хризотил құрылыс пен өнеркәсіпте кеңінен қолданылатын отқа төзімді және жылу оқшаулағыш материалдарды жасауға пайдаланылады, деді техникалық директор қонақтарға. Қатысушылар алған әсерлерімен бөлісті. Біреулер мұнда алғаш рет келсе, енді біреулері жұмыс күндерін қуана еске алды. Қонақтардың кейбірі біздің компанияның бұрынғы қызметкерлері, олар қазір лайықты демалыста.
Біз клуб мүшелеріне жарқын эмоциялар сыйлап, шын жүректен мақтанатын нәрселермен бөлісе алғанымызға қуаныштымыз: ежелден Жітіқара ауданы өмірінің маңызды бөлігіне айналған өндірісіміз, оның тарихы мен дамуы болып қала бермек.