«Қостанай минералдары» АҚ 60 жылдық мерейтойына орай қолға алынған «60 игі іс» бағдарламасын сәтті жалғастыруда. Кезекті жаңарту — «Горняк» стадионында жүзеге асты.
 
Мұнда негізгі трибунаның толық қайта жаңғырту жұмыстары аяқталды. Оның өлшемдері: ені — 60 метр, тереңдігі — 5,4 метр, биіктігі — 3,5 метр. Қаптау жұмыстарына қазіргі заманғы EcoLine decking террасалық тақтайшалары қолданылды. Бұл — отқа төзімді, су өткізбейтін және берік, минералдық негіздегі материал, ұзақ әрі қарқынды пайдалануға лайықталған.
Келесі кезеңде 560 жаңа орындық орнату және орталық трибунаны жаңарту жоспарланып отыр. Бұл жерде қабырғаларды қаптау және шатырды толық ауыстыру көзделген. Аталған жұмыстардың барлығы кәсіпорынның мерейтойлық бағдарламасы аясында жүзеге асырылып жатқан спорттық нысандарды абаттандыру жоспарына енеді.
«Қостанай минералдары» АҚ қала инфрақұрылымын дамытуға және салауатты өмір салтын қолдауға үнемі үлес қосып келеді.     
«Горняк» стадионы – кез келген спорт сүйер жан үшін ашық алаң. Жаттығыңыз, ойнаңыз, жеңіске бірге жетіңіз!