«Қостанай минералдары» АҚ-да тарихи сәт – корпоративтік мұражайдың ашылуы өтті. Бұл ерекше нысан «60 игі іс» мерейтойлық акциясының маңызды бөлігіне айналып, комбинаттың даңқты жолын, асыл адамдарын және еңбек жетістіктерін келер ұрпаққа жеткізуді мақсат етеді.
 
Салтанатты рәсімде лентаны «Kusto Grou»p негізін қалаушы, директорлар кеңесінің төрағасы Еркін Тәтішев пен топтың теңқұрушысы, «Kusto Agro» бас директоры Дәулет Нұржанов қиып, мұражайдың жаңа тыныса дем берді. 
Кіреберісте қонақтарды бірден көз тартатын – байыту кешені мен карьердің макеті қарсы алады. Оның ар жағында жайлы демалыс аймағы орналасқан, мұнда келушілер кәсіпорын жайлы деректі фильмдер тамашалай алады.
Мұражайдың бір қабырғасы қазынаға толы минералдар коллекциясына арналса, екінші қабырғасында «Қостанай минералдарының» тарихы сегіз дәуірге бөлініп, кезең-кезеңімен баяндалады: «Негізін қалау дәуірі» (1959–1964), «Қалыптасу дәуірі» (1965–1975), «Тиімділік дәуірі» (1976–1986), «Технологиялар мен сапа дәуірі» (1987–1992), «Сынақтар мен төзімділік дәуірі» (1993–1998), «Жаңа даму дәуірі» (1999–2006), «Техникалық жаңғырту дәуірі» (2007–2012), «Чемпиондық пен жаңашылдық дәуірі» (2013–2025).
Ал оң жақ қабырғада серіктестер картасы мен комбинат өнімдері жеткізілетін елдер бейнеленген.
Экспозицияны әлеуметтік нысандардың суреттері, архивтік фотолар мен бейнематериалдар ұсынылған мультимедиялық экрандар толықтырады. Заманауи рухты сезіндіру үшін мұражай кеңістігінде граффити элементтері мен дизайнерлік шешімдер үйлесім тапқан.