Тау-кен көлік кешені «Қостанай минералдары» АҚ Спартакиадасында көшбасшылық орнын сақтап келеді. Кезекті жеңісті олар «Chess club» шахмат клубында өткізілген жарыста иеленді.
Жеңіс үшін жеті команда бақ сынады: тау-кен көлік және байыту кешендері, кәсіпорын басқармасы, энергетикалық басқарма, автокөлік кәсіпорны, мемлекеттік емес өртке қарсы қызмет және «МехЛитКом» ЖШС.
Турнир қорытындылары былтырғы нәтижелерді толық қайталады. Бірінші орынды тағы да тау-кен көлік кешенінің командасы жеңіп алды, ал біріншіліктің үздік ойыншысы болып Талғат Омаровтанылды.
Екінші орынды кәсіпорын басқармасының командасы, үшінші орынды — автокөлік кәсіпорны иеленді.
Айта кету керек, басқарма мен автокөлік кәсіпорны бірдей ұпай жинаған, дегенмен Асфендияр Кенжебаевтың сенімді ойынының арқасында басқарма командасы алға шықты.
Спартакиада қатысушыларын әлі бірнеше кезең күтіп тұр: атыс, үстел теннисі, баскетбол және дартс.Жеңіс жолындағы тартыс жалғасуда!