«Қостанай минералдары» АҚ еңбек ұжымдары арасында өткен Спартакиада аяқталды. Қорытынды кезеңдер Абай атындағы мектеп-лицейінің тирінде ұйымдастырылып, қатысушылар пневматикалық мылтықпен ату және дартс бойынша бақ сынады. Бұл жарыстардың нәтижелері жалпы есепке енгізіліп, командалардың марапаттау алдындағы түпкілікті орналасуын айқындады.
 
Дартс
Дартс жарысының жеке есеп қорытындысы бойынша Мемлекеттік емес өртке қарсы қызметтің өрт сөндірушісі Алмат Елшібаев ең үздік қатысушы атанды.
Командалар арасындағы нәтижелер келесідей болды:  Хризотил филиалының жүлдесі,Тау-кен көлік кешеніқанжығасында. 3 орын — Автокөлік кәсіпорны, 2 орын — Энергобасқарма, 1 орын — Мемлекеттік емес өртке қарсы қызмет.
Бұдан бөлек, «Хризотил» филиалының арнайы марапаты да Тау-кен көлік кешеніне табыс етілді.
 
Ату сайысы
Пневматикалық мылтықпен ату жарысында ең үздік нәтиже көрсеткен қатысушы — Байыту кешенінің жабдықтарын жөндеу және қызмет көрсету слесары Роман Киселев.
Командалық есеп төмендегідей қорытындыланды: «Хризотил» филиалының жүлдесі — Мемлекеттік емес өртке қарсы қызмет. 3 орын — Тау-кен көлік кешені, 2 орын — «МинералСтройСервис» ЖШС мен «Эталон — 2012» ЖШС біріккен командасы, 1 орын — Байыту кешені.
 
Марапаттау шарасы кейін ұйымдастырылмақ. Соған қарамастан, аралық қорытынды бойынша Тау-кен көлік кешені жалпы есепте бірінші орынға шығып, 2025 жылдың чемпионы болатыны белгілі болды.