Қазақстан Республикасының жаңа Конституциясының жобасы жарияланды.
Өзгерістердің негізгі тармақтарының бірі – Конституцияның преамбуласы.
1.⁠ ⁠Преамбулада ұлттық құндылықтарымыз қанша уақыт өтсе де мызғымас қағида болуы үшін нақты әрі айқын түрде жазылған.
Онда қазақ жеріндегі өркениет пен мемлекеттіліктің терең тарихи тамырлары көрініс тапқан. Еліміздің Ұлы Даланың ұлы мемлекеттерімен тарихи сабақтастығы берік әрі нық түрде жария етілген.
Сондай-ақ мемлекеттің унитарлық сипаты, шекаралардың мызғымастығы мен аумақтық тұтастығы жеке, принципті ереже ретінде белгіленген. Бұл бағдарлар Қазақстан Республикасының егемендігін, тұрақтылығы мен қауіпсіздігін нығайтуды басты басымдық ретінде айқындайды.