Карина ӘЛЖАН

Владимир Завгородный «Қостанай минералдары» АҚ-да 12 жылдан бері еңбек етеді (мамандығы бойынша алты жыл).Әріптесінің демалысында бас конструктор  міндетін атқаратын маманмен шағын әңгімеміз ашық әрі қызықты болды. Кәсіпорынның құрылыс-жобалау бөлімі қалай жұмыс істейді, оның қандай проблемалары бар және қандай жобаларды жүзеге асырып жатқаны туралы төменде оқып таныса аласыз.

– Кәсіби инженер-конструктор қандай болуы керек?
– Инженер-конструктор оңай үйреніп, игеруге сауатты болуы керек. Мемлекеттік стандарттармен, нормативтермен  жұмыс істеу маманға  білімді болуды  міндеттейді. Біздің мамандардың барлығы тиісті білімі бар адамдар.
–Командада бәсекелестік бар ма?
–Жоқ. Бір-бірімізбен бәсекелесетін ештеңеміз жоқ! Бізде кезең-кезеңмен жұмыс жүргізіледі. кейбір мамандар жұмысты орындауға кіріссе, басқалары оны  іліп алып кетеді. Осылай командамен жұмыс істейміз.
– Сіздің ойыңызша, компания мамандығыңыздағы кәсіпқойларсыз жұмыс істей ала ма?
–Әрине жоқ! Кез келген маңызды компанияның қызметі инженер-конструктор  мамандармен іске асады.  Бүгінде біз «Қостанай минералдары» АҚ-ның барлық бөлімдерімен және қызметтерімен тығыз байланыста жұмыс істейміз.
– Бүгінгі атқарып жатқан жобаларыңыз туралы айтып берсеңіз.
– Қазір жұмыс ауқымы кеңейді. Хризотил кендерін ұсақтау және сұрыптау цехының әкімшілік ғимаратында орналасқан асхананы жөндеу жұмыстары аяқталып қалды. Бұл жоба біздің жоспарымызға сай  «Дәмді» ЖШС-нің тілегіне сәйкес жүзеге асырылуда. Жаңа электр желісі тартылды, үй-жайларды қайта жоспарлау ұйымдастырылды. Қазір жөндеу және әрлеу жұмыстары жүргізілуде. Жақында еңбекті қорғау және өнеркәсіптік қауіпсіздік қызметінің санитарлық зертханасында жөндеу жұмыстары аяқталады. Онда желдету, электр қуаты да ауыстырылды. Жол өткелдері бар ауыр көліктерді жууға арналған алаң құру үшін ATP идеясын жүзеге асыруды жоспарлап отырмыз.
–Қызықты жобалар. Біз осыған  қайта оралсақ.  Айтыңызшы, бүгін команда қандай қиындықтарды бастан кешіріп жатыр?
– Жаһандық проблемалар жоқ. Қазіргі уақытта бізде құрылымдық инженерге арналған бос жұмыс орындары бар. Арнайы бағдарламаларды сатып алу қажеттілігі және дизайнның жаңа деңгейіне жетуге деген ұмтылыс бар. Мысалы, ғимараттар мен құрылыстарды салу нәтижелерін жақсартатын BIM бағдарламасын меңгерген дұрыс. Дизайндағы BIM технологиясы қателіктерді жоя отырып, мейлінше дәл жұмыс істеуге мүмкіндік береді. Бұл бағдарлама бізге жобаларды тез әрі тиімді әзірлеуге көмектеседі, өйткені ондағы жүйе іргелес бөлімдерді автоматты түрде үйлестіре алады және жобаны бастапқы деректерден бастап, іске қосуға дейін бақылай алады. Алдағы уақытта осы технологияны қолдану арқылы қол жеткізген нәтижелер туралы айта аламыз деп ойлаймыз. Осындай жаңа тәсілдер өндіріс үшін ауадай қажет. Жаңа әдістер мен тың идеялар қашанда алға жетелейді.
–Сұхбатыңызға рақмет.