3 қарашада Жітіқара ауданының Приречное ауылында «Ауыл құтқарушылары» өрт сөндіру бекеті ашылды. Ол Қазақстан ТЖМ-нің аттас бағдарламасы бойынша «Приречное Агро» ЖШС қаражатына салынды. Құрылыс маусым айынан бері жүрді.
Неліктен бұл маңызды: Жітіқараға дейін 50 шақырым. Енді өрт сөндірушілерге қаладан шығудың қажеті жоқ. Олар осында болады, сондықтан өртке немесе басқа апатқа тезірек жетеді.
Бекетте не бар:
- өрт сөндіру көлігіне арналған ангар, оған «Урал» негізіндегі автокөлік берілді;
- байланыс пункті;
- демалыс бөлмесі, ас үй, душ бөлмесі және қосалқы үй-жайлар.
Ашылу рәсіміне Қостанай облысы ТЖД бастығының орынбасары Марат Нұрғалиев, аудан әкімі Аслан Жаныспаев, құтқарушылар мен ауыл тұрғындары қатысты. ТЖМ азаматтық қорғауды дамытуға қосқан үлесі үшін алғыс хаттар табыстады. Бекет пен өрт сөндіру көлігінің кілттері аудан әкіміне тапсырылды.
