9 және 10 қарашада Жітіқара политехникалық колледжінің 40-тан астам студенті «Қостанай минералдары» АҚ-да болды. Бірінші күні комбинатқа болашақ электромеханиктердің нГЭ-25 тобы — 24 адам, екінші күні тағы бір студенттер тобы келді. Экскурсиялар комбинат жүргізіп жатқан кәсіптік бағдар беру жұмысы аясында ұйымдастырылды.
Өндіріспен танысу Оқу орталығынан басталды: кіріспе нұсқаулықсыз комбинат нысандарына кіруге болмайды. Одан кейін студенттер электромеханикалық жабдықты жөндеу учаскесін, байыту цехының электрмен жабдықтау учаскесін және СТП-1 қосалқы станциясын көрді — оқуды бітірген соң дәл осы жерлерде жұмыс істеуі мүмкін.
Экскурсия карьердің жоғарғы бақылау алаңында аяқталды: хризотилдің жолы қай жерден басталатыны осы жерден көрінеді.
Комбинатта колледжге кәсіпорынға деген қызығушылығы үшін алғыс айтып, студенттерді өндірістік практикаға шақырды.
МАМАНДЫҚ МАРШРУТЫМЕН
