Қазақстанда 25 қазанда атап өтілетін Республика күні қарсаңында Жітіқара қаласында салтанатты іс-шара өтті. Мерекелік жиында кәсіпорнымыздың қызметкерлері де марапатқа ие болды.
Қостанай облысы әкімінің Құрмет грамотасымен автокөлік көлігі басқармасының (АТП) БелАЗ автосамосвалының жүргізушісі Жиналинов Қазыбек Кужаниязұлы марапатталды. Ол комбинатта 20 жылдан бері еңбек етіп келеді. Бірінші санатты жүргізуші ретінде ауыр жүк көліктерін басқаруда мол тәжірибе жинақтаған. Қазыбек Кужаниязұлы көлікті ұқыпты жүргізуімен, техникаға жауапкершілікпен қарауымен ерекшеленеді. Әріптестері оны әрдайым көмекке дайын тұратын, жас мамандарға қолдау көрсететін және туған кәсіпорнына адал қызмет ететін білікті маман ретінде бағалайды.
Жітіқара ауданы әкімінің Құрмет грамотасымен ӨК-нің жүк пен багажды қабылдау-тапсырушысы Кравченко Лариса Леонидовна марапатталды. Ол өзінің 36 жылдық еңбек жолын қала құраушы кәсіпорынмен байланыстырып келеді.
Лариса Леонидовнаның комбинаттағы еңбек жолы 1990 жылы Орталық байыту фабрикасында 2-разрядты асбест қабылдаушы қызметінен басталды. 1995 жылдан бері хризотил мен инертті материалдарды қабылдау және жөнелту цехында еңбек етіп келеді. Осы жылдар ішінде ол өз ісіне жауапкершілікпен қарайтын, сенімді әрі кәсіби білікті маман ретінде танылды.
